//幸好，慣左十一點就瞓嘅天堂鳥即使捱住眼瞓都陪住我地。睇住佢媽媽不斷嘅奪命追魂call，搞到我都有啲唔好意思。佢嗰份嘅胸襟，並唔係肉眼就能夠睇得出嘅級數。//
《EP03 - 像突然地高歌 任何地方也像開四面台》
鏡頭後嘅尷尬同冷場，並唔係你地呢啲凡夫俗子喺電視所能感受到。帶住第一仗同瑞意嘅挫敗感，黎到台北101下嘅夜晚。
都係老規矩，roll機前我係唔能夠見到對方真身。當製作團隊驗貨後，帶返黎嘅表情係驚訝、驚訝同驚訝。呢個亦係我第一眼見到天堂鳥嘅反應。（見到香港嗰隊都驚訝嘅...）
靚嘅女仔我見得多，但只限螢光幕前，而且通常都係四個字。但呢刻有一個企喺我面前，完全唔識反應。望住佢個樣，再睇返自己一身嘅頹look，分分鐘唔著衫都仲好睇...
由於製作團隊要安排拍攝嘅地方，成晚都係得返我地二人世界，已經好耐無試過喺女仔面前咁緊張。但靚女總係寡言，有一份觸不到的距離感，所以享受住佢嘅美貌之餘亦承受住隨時dead air嘅壓力，想搵人黎拯救我打破悶局。一個旅行最矛盾唔係同唔啱咀型嘅人去，而係內心世界嗰種掙札。
Roll機後嘅世界，時間彷彿靜止一樣，無人會教你下一步點做。為左打破呢個沉寂局面，又講到做咩職業，情急生智之下決定玩個真人點歌環節。老老豆豆，節目出街後自己睇返都起雞皮。嗰刻我發現，原來唱歌好聽比樣靚更加緊要。
幸好，慣左十一點就瞓嘅天堂鳥即使捱住眼瞓都陪住我地。睇住佢媽媽不斷嘅奪命追魂call，搞到我都有啲唔好意思。佢嗰份嘅胸襟，並唔係肉眼就能夠睇得出嘅級數。
天堂鳥參數
攻擊力：***
防禦力：****
續航力：**
親和力：***
摩擦力：****
［待續］
===================================
ViuTV
波盛
+886MM 逢星期五晚 免費電視99台 ViuTV
重溫：http://viu.tv/encore/886-mm
#viutv #886MM #波盛 #天堂鳥 #呢隻超班馬 #人人都讚好 #靚女係咪真係唔痾 #我無問 #今晚十一點九有第二集 #追返進度睇重溫先
Search